AQSh Boeing 737 Max 8 jáne Max 9 áýe kemeleriniń ushýlaryn toqtatýdy usyndy. Bul týraly QR Indýstriia jáne infraqurylymdyq damý ministrligi Azamattyq aviatsiia komitetinen málim etti, dep habarlaidy QazAqparat.
«AQSh Boeing 737 Max 8 jáne Max 9 áýe kemeleriniń ushýlaryn toqtatty. Boeing kompaniiasy osy tiptegi álemdegi 371 ushaqtyń paidalanýyn toqtatý týraly usynys bildirdi», - delingen Komitettiń Feisbýktegi paraqshasynda jariialanǵan aqparatta.
Mundai aqparat Boeing kompaniiasynyń saitynda da jariia etildi.
«Boeing 737 MAX qaýipsizdigine áli de túbegeili senimdimiz. Degenmen, AQSh Federaldy azamattyq aviatsiia basqarmasymen (FAA), AQSh Kóliktegi qaýipsizdik jónindegi ulttyq keńespen (NTSB), búkil álemdegi aviatsiialyq basshylyqpen jáne olardyń kilentterimen keńeskennen keiin saqtyq maqsatynda ári jolaýshylardy ushaqtarymyzdyń qaýipsizdigine sendirý úshin atalǵan úlgidegi ushaqtardyń ushýyn toqtattyq», - dedi Boeing kompaniiasy.
Eske sala keteiik, Efiopiiada Ethiopian Airlines áýe kompaniiasynyń Nairobige bara jatqan ushaǵy apatqa ushyraǵandyǵy týraly buǵan deiin habarlaǵan bolatynbyz. Sondai-aq, ushaqta BUU 19 qyzmetkeri bolǵan.
Qaiǵyly jaǵdaiǵa bailanysty Qazaqstan Prezidenti Nursultan Nazarbaev Efiopiia Federativtik Demokratiialyq Respýblikasynyń Prezidenti Sahle-Vork Zeýdege kóńil aitý jedelhatyn joldady.
Qazirgi ýaqytta Eýropalyq Odaq aýmaǵynda Boeing 737 MAH ushaǵyn paidalanýǵa da tyiym saldy. Qazaqstanda «SKAT» áýe kompaniiasynyń Boeing 737 MAX ushaǵyn paidalýdy ýaqytsha toqtatty.
