2013 jyly bokstan álem chempiony bolǵan Jánibek Álimhanuly amerikalyq Top Rank promoýterlik kompaniiasymen kelisshart jasasty, - dep habarlaidy Vesti.kz tilshisi.
Bul týraly boksshynyń PR-menedjeri Berik Sultan Facebook jelisindegi paraqshasynda jazdy.
"Súiinshi, aǵaiyn! Jánibek Álimhanuly áigili Top Rank promoýterlik kompaniiasymen kelisimshartqa otyrdy. Ataqty Bob Arým endi Álimhanulynyń promoýteri!" - dep jazdy ol.
Top Rank kompaniiasy 1973 jyly qurylǵan. Basshysy - Bob Arým. Ol Vasilii Lomachenko jáne Terens Kroýford siiaqty boks juldyzdarynyń isin júrgizedi. Sonymen birge, ataqty Menni Pakiaomen uzaq ýaqyt jumys istegen.
Munyń aldynda qazaqstandyq boksshy "2017 jyldyń úzdik menedjeri" Egis Klimaspen kelisimshart jasasqan edi. Álimhanuly Klimastyń komandasyndaǵy altynshy qazaqstandyq. Menedjer Madiiar Áshkeev, Saǵadat Rahmanqulov, Meiirim Nursultanov, Ashat Ýálihanov jáne Qanat Islammen birge jumys isteidi.
Qazaqstandyqty belgili maman Baddi MakGirt jattyqtyrady, ol Maik Taison jáne Artýro Gattimen jumysy arqyly jankúierlerge tanys. Álimhanuly orta salmaqta judyryqtasady.
Eske slaaiyq, Álimhanulynyń kásipqoi boksqa aýysatyny 16 sáýirde belgili boldy. Oǵan deiin de ol eki jekpejek ótkizgen - 2016 jyldyń qazanynda Almatyda ótken kezdesýde birinshi raýndta-aq kolýmbiialyq Milton Nýnesti nokaýtqa túsirdi, al byltyr qyrkúiekte Astanda braziliialyq Jilberto Pereirý dos Santosty jeńgen. Sońǵy jekpe-jegi jartylai aýyr salmaqta boldy.
