Resei munaidyń jańa etalondy túrin shyǵarýdy josparlap otyr. Máskeý Batys elderiniń shikizattyń álemdik naryqtaǵy satylymynan túsetin kiristi shekteýine qarsy osyndai shara qabyldamaq, dep habarlaidy inbusiness.kz Bloomberg agenttigine silteme jasap.
Agenttik dereginshe, Reseidiń negizgi ministrlikteri, munai óndirýshileri men Ortalyq banki qazan aiynda ulttyq platformada munai saýdasyn bastamaq. Osy oraida Resei sheteldik seriktesterdi tartýdy josparlap otyr.
Buǵan deiin RF Syrtqy ister ministrliginiń resmi ókili Mariia Zaharova G7 elderiniń reseilik munai baǵasynyń shegin bekitý shikizattyń qymbattaýyna ákelip soǵady dep aitqan bolatyn. Ol mundai jospardyń naryqqa qarsy baǵyttalyp otyrǵanyn málim etti.
Eskere ketetin jait, biyl Reseiden Qytaiǵa importtalatyn shiki munai kólemi ótken jylmen salystyrǵanda 55%-ǵa ósti. 2022 jyldyń mamyr aiynda Reseiden Qytaiǵa tasymaldanǵan munai importynyń jalpy kólemi 8,42 mln tonna bolǵan edi. Úndistan da Resei munaiyn importtaýdy rekordtyq deńgeige jetkizdi. Maýsym aiynda reseilik munaidyń Úndistanǵa importtalýy bir táýlikte 950 myń barrelge deiin artty.
