Almaty ákiminiń birinshi orynbasary Erlan Qojaǵapanov qalaǵa kireberistegi keptelisterge qatysty túsinik berdi, dep habarlaidy QazAqparat.
«Qazir qalada 700 politsiia qyzmetkeri 22 blokposta 2-3 aýysymmen jumys istep jatyr. Bir blokposqa 10 adamnan keledi. Alaida, biz blokpostyń perimetrin de eskerýimiz kerek. Ol territoriia da baqylaýdy qajet etedi. Qazir karantin sharalarynyń báseńsýine bailanysty qalaǵa kiretin-shyǵatyn kólikterdiń sany artyp keledi», - dedi Erlan Qojaǵapanov.
Onyń aitýynsha, qazir ár blokposta politsiia qyzmetkerleriniń qolyna beriletin planshetter sany kóbeigen.
«Biz 1-2 kúnde osy máseleni sheshemiz», - dedi ol.
