Jabyq turǵan Almatyǵa búgin oblys territoriiasynan turǵyndar lap qoidy. Tótenshe jaǵdai alynǵanyna birinshi kún bolǵanda qalaǵa kireberis kóshelerde kólik keptelisi paida boldy, dep habarlaidy "Ult aqparat".
Video «Dorogi Almaty» pabliginde jariialandy.
Almaty Politsiia Departamentiniń baspasóz qyzmetiniń habarlaýynsha, qalanyń ainalasyndaǵy 27 blokpost burynǵy rejimmen jumys istep tur.
«27 blokpost burynǵydai jumys istep tur. Almaty áli karantinge jabyq. Qala turǵyndaryna tek resmi aqparat kózderine qulaq asýǵa keńes beremiz. Qoǵamdyq tártipti buzý deregi tirkelgen joq. Qazir blokpostardaǵy ahýal turaqty», - dedi PD baspasóz qyzmetinen.
Mundai keptelister Almaty-Talǵar, Almaty-Altyn Orda tas joldaryndaǵy blokpostarda boldy.
Bul jerlerde politsiia men Ulttyq ulan sarbazdary avtokólik ieleriniń ruqsat qujatyn tekserip, dene qyzýlaryn ólshep ótkizip jatyr.
