جابىق تۇرعان الماتىعا بٷگٸن وبلىس تەرريتوريياسىنان تۇرعىندار لاپ قويدى. تٶتەنشە جاعداي الىنعانىنا بٸرٸنشٸ كٷن بولعاندا قالاعا كٸرەبەرٸس كٶشەلەردە كٶلٸك كەپتەلٸسٸ پايدا بولدى, دەپ حابارلايدى "ۇلت اقپارات".
ۆيدەو «دوروگي الماتى» پابليگٸندە جارييالاندى.
الماتى پوليتسييا دەپارتامەنتٸنٸڭ باسپاسٶز قىزمەتٸنٸڭ حابارلاۋىنشا, قالانىڭ اينالاسىنداعى 27 بلوكپوست بۇرىنعى رەجيممەن جۇمىس ٸستەپ تۇر.
«27 بلوكپوست بۇرىنعىداي جۇمىس ٸستەپ تۇر. الماتى ەلٸ كارانتينگە جابىق. قالا تۇرعىندارىنا تەك رەسمي اقپارات كٶزدەرٸنە قۇلاق اسۋعا كەڭەس بەرەمٸز. قوعامدىق تەرتٸپتٸ بۇزۋ دەرەگٸ تٸركەلگەن جوق. قازٸر بلوكپوستارداعى احۋال تۇراقتى», - دەدٸ پد باسپاسٶز قىزمەتٸنەن.
مۇنداي كەپتەلٸستەر الماتى-تالعار, الماتى-التىن وردا تاس جولدارىنداعى بلوكپوستاردا بولدى.
بۇل جەرلەردە پوليتسييا مەن ۇلتتىق ۇلان ساربازدارى اۆتوكٶلٸك يەلەرٸنٸڭ رۇقسات قۇجاتىن تەكسەرٸپ, دەنە قىزۋلارىن ٶلشەپ ٶتكٸزٸپ جاتىر.
