Blok beketti ainalyp ótip, qala aýmaǵynan shyǵyp ketpek bolǵan elordanyń úsh turǵyny 15 táýlikke qamaldy, dep habarlaidy "Ult aqparat" qalalyq politsiia departamentiniń baspasóz qyzmetine silteme jasap.
Nur-Sultan qalasynyń Politsiia departamenti qyzmetkerleri elorda aýmaǵyndaǵy karantin rejiminiń saqtalýy úshin qaladan shyǵyp ketý áreketin anyqtaý baǵytynda sharalar júrgizdi.
22 naýryzda saǵat 17:30-da Qaraǵandy qalasyna qarai dala jolymen bara jatqan Renault Logan markaly kólik toqtatyldy. 30 jastaǵy elordalyq jolaýshy tasymalymen ainalysqan. Ol osy baǵyttaǵy blok beketti ainalyp ótip 50 myń teńge adam tasymaldamaq bolǵan.
Júrgizýshige qatysty QR Ákimshilik quqyqbuzýshylyq kodeksiniń 427-baby boiynsha ákimshilik hattama toltyryldy. Is Nur-Sultan qalasy mamandandyrylǵan aýdanaralyq ákimshilik sotyna jiberildi. Renault Logan markaly kólik aiypturaqqa qoiyldy.
Sonymen qatar, osy kúni Qostanai tas joly baǵytyndaǵy dala jolmen karantin aimaǵy shekarasyn jaiaý kesip ótpek bolǵan eki er adam ustaldy.
Nur-Sultan qalasy mamandandyrylǵan aýdanaralyq ákimshilik sotynyń qalýysy boiynsha barlyq quqyqbuzýshylar 15 táýlikke qamaýǵa alyndy.
Qazirgi ýaqytta tótenshe jaǵdai kezinde Nur-Sultan qalasy aýmaǵynda blok beketti ainalyp ótetin yqtimal joldardy anyqtaý júrgizilip jatyr.
Politsiia departamenti tótenshe jaǵdai jariialanǵan kezde QR zańdaryn buzý isti aýyrlatatyn jaǵdai dep eskeriletinin eskertedi.
