بلوك بەكەتتٸ اينالىپ ٶتٸپ, قالا اۋماعىنان شىعىپ كەتپەك بولعان ەلوردانىڭ ٷش تۇرعىنى 15 تەۋلٸككە قامالدى, دەپ حابارلايدى "ۇلت اقپارات" قالالىق پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
نۇر-سۇلتان قالاسىنىڭ پوليتسييا دەپارتامەنتٸ قىزمەتكەرلەرٸ ەلوردا اۋماعىنداعى كارانتين رەجٸمٸنٸڭ ساقتالۋى ٷشٸن قالادان شىعىپ كەتۋ ەرەكەتٸن انىقتاۋ باعىتىندا شارالار جٷرگٸزدٸ.
22 ناۋرىزدا ساعات 17:30-دا قاراعاندى قالاسىنا قاراي دالا جولىمەن بارا جاتقان Renault Logan ماركالى كٶلٸك توقتاتىلدى. 30 جاستاعى ەلوردالىق جولاۋشى تاسىمالىمەن اينالىسقان. ول وسى باعىتتاعى بلوك بەكەتتٸ اينالىپ ٶتٸپ 50 مىڭ تەڭگە ادام تاسىمالداماق بولعان.
جٷرگٸزۋشٸگە قاتىستى قر ەكٸمشٸلٸك قۇقىقبۇزۋشىلىق كودەكسٸنٸڭ 427-بابى بويىنشا ەكٸمشٸلٸك حاتتاما تولتىرىلدى. ٸس نۇر-سۇلتان قالاسى مامانداندىرىلعان اۋدانارالىق ەكٸمشٸلٸك سوتىنا جٸبەرٸلدٸ. Renault Logan ماركالى كٶلٸك ايىپتۇراققا قويىلدى.
سونىمەن قاتار, وسى كٷنٸ قوستاناي تاس جولى باعىتىنداعى دالا جولمەن كارانتين ايماعى شەكاراسىن جاياۋ كەسٸپ ٶتپەك بولعان ەكٸ ەر ادام ۇستالدى.
نۇر-سۇلتان قالاسى مامانداندىرىلعان اۋدانارالىق ەكٸمشٸلٸك سوتىنىڭ قالۋىسى بويىنشا بارلىق قۇقىقبۇزۋشىلار 15 تەۋلٸككە قاماۋعا الىندى.
قازٸرگٸ ۋاقىتتا تٶتەنشە جاعداي كەزٸندە نۇر-سۇلتان قالاسى اۋماعىندا بلوك بەكەتتٸ اينالىپ ٶتەتٸن ىقتيمال جولداردى انىقتاۋ جٷرگٸزٸلٸپ جاتىر.
پوليتسييا دەپارتامەنتٸ تٶتەنشە جاعداي جارييالانعان كەزدە قر زاڭدارىن بۇزۋ ٸستٸ اۋىرلاتاتىن جاعداي دەپ ەسكەرٸلەتٸنٸن ەسكەرتەدٸ.
