Ishki ister ministrligi Astanada blogermen videoǵa túsken týristik politsiianyń eki qyzmetkeriniń ne sebepti jumystan shyǵarylǵanyn túsindirdi. Bul týraly IIM ministriniń orynbasary Igor Lepeha aitty, dep habarlaidy ult.kz.
Onyń sózinshe, tártiptik komissiia politseilerdiń áreketinen qyzmettik ádep pen minez-qulyq talaptaryn buzý belgilerin anyqtaǵan.
«Qyzmettik mindetin atqaryp júrgen jáne formadaǵy politsiia qyzmetkerlerin blogerlerdiń kóterip alýyna jol berýge bolmaidy. Politsiia qyzmetkerleri bulai istemeýi kerek dep esepteimiz», – dedi Lepeha.
Ol politsiianyń negizgi mindeti azamattardyń qaýipsizdigin qamtamasyz etý, quqyq buzýshylyqtyń aldyn alý jáne qylmysty ashý ekenin atap ótti. Al oiyn-saýyq sipatyndaǵy kontent politsiia qyzmetiniń negizgi fýnktsiiasyna jatpaidy.
«Bálkim, buǵan jekelegen jaǵdailarda jáne jumystan tys ýaqytta jol beriletin shyǵar», – dedi ministr orynbasary.
Eske salaiyq, buǵan deiin áleýmettik jelide blogerdiń Astana týristik politsiiasynyń eki qyzmetkerin kóterip alǵan videosy taraǵan edi. Keiin eki politsei de ishki ister organdarynan shyǵarylǵan.
