Ishki ister ministrligi ókili Mudarabah Capital qarjy piramidasyna qatysty tergeý týraly aitty, - dep habarlaidy Tengrinews.kz.
"Qazir qylmystyq is boiynsha kóp jumys atqaryldy. Ekonomikalyq, býhgalterlik sot saraptamalary taǵaiyndaldy. Jábirlenýshilerge keltirilgen materialdyq zalaldy óteý maqsatynda tergeýshi kúdiktiler men olardyń týystaryna tirkelgen Almaty, Nur-Sultan qalalaryndaǵy, Almaty oblysyndaǵy múlikke - jer ýchaskelerine, páterlerge, jeke úilerge, avtokólikterge, dúkenge jáne kompaniianyń barlyq esep aiyrysý shotyna tyiym saldy", - dedi IIM Tergeý departamentiniń bastyǵy Sanjar Ádilov OKQ brifinginde.
Onyń aitýynsha, tárkilengen múliktiń taǵdyryn sot sheshedi. Sondai-aq, qylmystyq is aiasynda 14 adam kúdikti dep tanyldy.
"Azamattardy osy piramidaǵa óz aqshalaryn salýǵa shaqyrǵan blogerlerge qatysty aitar bolsaq, úsh bloger de qylmystyq is boiynsha kúdikti dep tanyldy. Ekeýine qatysty kepil túrindegi bultartpaý sharasy, bireýine kúzetpen ustaý túrindegi bultartpaý sharasy tańdalyp, halyqaralyq izdestirý jariialandy", - dep habarlady Ádilov.
