Avtobloger ári "Klýbnyi servis" YouTube-arnasynyń sholýshysy Ilia Sviridov Qazaqstan men Resei úshin Toyota Land Cruiser Prado kóligin qurastyrýdaǵy aiyrmashylyqtardy kórsetti, - dep habarlaidy Tengrinews.kz tilshisi.
Bloger qazaqstandyq jańa Toyota Land Cruiser Prado 150 kóligine sholý jasaǵan. Kólemi 2,7 litr bolatyn kólik bylǵary salon jáne linzaly optikamen jabdyqtalǵan. Avtomobil parallel import shemasy boiynsha jetkizilse, mundai kólikti satyp alǵysy keletinder dilerlik usynystar boiynsha úsh million rýbl (23 million teńge – shamamen) únemdei alatyny aityldy.
Qazaqstannan kelgen osy Toyota Land Cruiser Prado barlyq qujatty resimdegennen keiin satyp alýshyǵa 5,6 million rýblge (43 million teńge - esk.) túsken. Alaida video sholý bizdiń elimiz úshin jol talǵamaityn kólikter basqasha jinaqtalǵanyn kórsetti. Avtokólikterde symdar, shýdan oqshaýlaý, aýa baptaý jáne jylytý júieleri erekshelenedi.
Sondai-aq, Qazaqstanǵa arnalǵan Toyota tot basýǵa qarsy óńdeýden ótpegen. Budan basqa, qazaqstandyq jol talǵamaityn kólikterdiń edende, arka jáne esikterinde vibroizolia joq. Alaida, avtordyń aitýynsha, basty aiyrmashylyq, salonnyń ortalyq bóliginde aýa ótkizgishtiń bolmaýy. Sondyqtan aýa aǵyny, eshqaida ketpeidi.
Basqa jaǵdaida Qazaqstan men Resei úshin jabdyqtalǵan Toyota Land Cruiser Prado birdei, deidi avtor.
