Qazaqstanda energetikalyq júieniń turaqtylyǵy men senimdiligin arttyrý maqsatynda jańa generatsiia qýattaryn iske qosý jáne qoldanystaǵy elektr stantsiialaryn jańǵyrtý jumystary jalǵasyp jatyr, dep habarlaidy ult.kz.
2026 jyly elde jalpy qýaty shamamen 2,6 GVt bolatyn jańa energetikalyq nysandardy iske qosý josparlanǵan. Onyń ishinde tórt gaz stantsiiasy, eki qoldanystaǵy elektr stantsiiasyn keńeitý jáne jańartylatyn energetika salasyndaǵy 10 nysan bar.
«Bireýi – Tekeli qalasynda, Jetisý oblysynda. Ekinshisi – Atyraý qalasynda, Atyraý jylý-energiia ortalyǵynda. Qýattylyǵy – 60 jáne 53 MVt bolatyn stantsiialar», – dedi QR Energetika ministri Erlan Aqkenjenov ULT.kz tilshisiniń suraǵyna jaýap berý kezinde.
Birqatar joba qazirdiń ózinde júzege asqan kórinedi. Máselen, Qyzylordada qýaty 240 MVt bolatyn jańa bý-gaz qondyrǵysy iske qosylyp, búginde shamamen 500 mln kVt·saǵat elektr energiiasyn óndirdi.
Biyl qýaty 1 GVt bolatyn «Túrkistan» bý-gaz qondyrǵysyn iske qosý josparlanyp otyr. Bul nysan eldiń ońtústik óńirin elektr energiiasymen qamtamasyz etetin qosymsha kóz bolmaq.
Jańartylatyn energetika salasynda da jańa nysandar iske qosylýda. 2026 jyly jalpy qýaty 245 MVt bolatyn 10 nysandy iske qosý josparlanǵan. Onyń jeteýi, jalpy qýaty 212 MVt, qazirdiń ózinde paidalanýǵa berildi. Al 2027 jyly taǵy shamamen 850 MVt jańa generatsiia qýatyn iske qosý josparlanyp otyr.
Budan bólek, 2030 jylǵa deiin «Kómir generatsiiasyn damytý» ulttyq jobasy aiasynda 8 jańa energiia kózin salý jáne 11 qoldanystaǵy elektr stantsiiasyn jańǵyrtý kózdelgen. Olardyń jalpy qýaty 7,8 GVt bolady.
Ministrdiń aitýynsha, atqarylyp jatqan jumystardyń negizgi maqsaty – elektr energiiasy tapshylyǵyn joiyp qana qoimai, elde qajetti qýat rezervin qalyptastyrý.
«2027 jyldyń birinshi toqsanynda Qazaqstan elektr energiiasy tapshylyǵyn jabý kezeńinen profitsitke ótýi tiis. Al 2029 jylǵa qarai turaqty profitsitke shyǵýymyz kerek. Bizdiń mindetimiz – búgingi tańda eldi elektr energiiasymen senimdi qamtamasyz etý jáne aldaǵy kezeńge qajetti qýat rezervin qalyptastyrý», – dedi Erlan Aqkenjekov.
