قازاقستاندا ەنەرگەتيكالىق جٷيەنٸڭ تۇراقتىلىعى مەن سەنٸمدٸلٸگٸن ارتتىرۋ ماقساتىندا جاڭا گەنەراتسييا قۋاتتارىن ٸسكە قوسۋ جەنە قولدانىستاعى ەلەكتر ستانتسييالارىن جاڭعىرتۋ جۇمىستارى جالعاسىپ جاتىر, دەپ حابارلايدى ult.kz.
2026 جىلى ەلدە جالپى قۋاتى شامامەن 2,6 گۆت بولاتىن جاڭا ەنەرگەتيكالىق نىسانداردى ٸسكە قوسۋ جوسپارلانعان. ونىڭ ٸشٸندە تٶرت گاز ستانتسيياسى, ەكٸ قولدانىستاعى ەلەكتر ستانتسيياسىن كەڭەيتۋ جەنە جاڭارتىلاتىن ەنەرگەتيكا سالاسىنداعى 10 نىسان بار.
«بٸرەۋٸ – تەكەلٸ قالاسىندا, جەتٸسۋ وبلىسىندا. ەكٸنشٸسٸ – اتىراۋ قالاسىندا, اتىراۋ جىلۋ-ەنەرگييا ورتالىعىندا. قۋاتتىلىعى – 60 جەنە 53 مۆت بولاتىن ستانتسييالار», – دەدٸ قر ەنەرگەتيكا مينيسترٸ ەرلان اقكەنجەنوۆ ULT.kz تٸلشٸسٸنٸڭ سۇراعىنا جاۋاپ بەرۋ كەزٸندە.
بٸرقاتار جوبا قازٸردٸڭ ٶزٸندە جٷزەگە اسقان كٶرٸنەدٸ. مەسەلەن, قىزىلوردادا قۋاتى 240 مۆت بولاتىن جاڭا بۋ-گاز قوندىرعىسى ٸسكە قوسىلىپ, بٷگٸندە شامامەن 500 ملن كۆت·ساعات ەلەكتر ەنەرگيياسىن ٶندٸردٸ.
بيىل قۋاتى 1 گۆت بولاتىن «تٷركٸستان» بۋ-گاز قوندىرعىسىن ٸسكە قوسۋ جوسپارلانىپ وتىر. بۇل نىسان ەلدٸڭ وڭتٷستٸك ٶڭٸرٸن ەلەكتر ەنەرگيياسىمەن قامتاماسىز ەتەتٸن قوسىمشا كٶز بولماق.
جاڭارتىلاتىن ەنەرگەتيكا سالاسىندا دا جاڭا نىساندار ٸسكە قوسىلۋدا. 2026 جىلى جالپى قۋاتى 245 مۆت بولاتىن 10 نىساندى ٸسكە قوسۋ جوسپارلانعان. ونىڭ جەتەۋٸ, جالپى قۋاتى 212 مۆت, قازٸردٸڭ ٶزٸندە پايدالانۋعا بەرٸلدٸ. ال 2027 جىلى تاعى شامامەن 850 مۆت جاڭا گەنەراتسييا قۋاتىن ٸسكە قوسۋ جوسپارلانىپ وتىر.
بۇدان بٶلەك, 2030 جىلعا دەيٸن «كٶمٸر گەنەراتسيياسىن دامىتۋ» ۇلتتىق جوباسى اياسىندا 8 جاڭا ەنەرگييا كٶزٸن سالۋ جەنە 11 قولدانىستاعى ەلەكتر ستانتسيياسىن جاڭعىرتۋ كٶزدەلگەن. ولاردىڭ جالپى قۋاتى 7,8 گۆت بولادى.
مينيستردٸڭ ايتۋىنشا, اتقارىلىپ جاتقان جۇمىستاردىڭ نەگٸزگٸ ماقساتى – ەلەكتر ەنەرگيياسى تاپشىلىعىن جويىپ قانا قويماي, ەلدە قاجەتتٸ قۋات رەزەرۆٸن قالىپتاستىرۋ.
«2027 جىلدىڭ بٸرٸنشٸ توقسانىندا قازاقستان ەلەكتر ەنەرگيياسى تاپشىلىعىن جابۋ كەزەڭٸنەن پروفيتسيتكە ٶتۋٸ تيٸس. ال 2029 جىلعا قاراي تۇراقتى پروفيتسيتكە شىعۋىمىز كەرەك. بٸزدٸڭ مٸندەتٸمٸز – بٷگٸنگٸ تاڭدا ەلدٸ ەلەكتر ەنەرگيياسىمەن سەنٸمدٸ قامتاماسىز ەتۋ جەنە الداعى كەزەڭگە قاجەتتٸ قۋات رەزەرۆٸن قالىپتاستىرۋ», – دەدٸ ەرلان اقكەنجەكوۆ.
