Oral qalasynyń turǵyny jihaz jasap beremin dep 17 turǵyndy aldap ketken, dep habarlaidy "Ult aqparat".
BQO politsiia departamentiniń baspasóz qyzmeti málim etkenindei, 25 jastaǵy kúdikti ustalyp, ýaqytsha ustaý izoliatoryna qamaldy.
Qazirgi kezde QR QK 190-baby 3-bóligine (alaiaqtyq) sáikes sotqa deiingi tergeý amaldary júrgizilýde.
Jábirlenýshilerdiń biri, 24 jastaǵy áiel jihaz jasatpaq bolyp, Oraldaǵy jihaz qurastyrýshylardyń birine júgingen. Kúdikti onyń senimine kirý arqyly 260 myńnan astam teńgesin iemdenip ketken.
«Kúdiktiniń turaqty jumysy joq, osyndai jolmen paida taýyp kelgen. Barlyǵy 17 turǵyndy aldap, aqshasyn jymqyrǵan. Onyń basqa da qylmystarǵa qatystylyǵy, sondai-aq jábirlenýshilerge keltirilgen zalal kólemi anyqtalý ústinde», dep habarlady vedomstvodan.
