QR bas memlekettik sanitar dárigeriniń qaýlysyna sáikes BQO-da Reseimen shekaradaǵy 4 avtoótkelde karantindik-sanitarlyq beketterdiń jumysy kúsheitildi, dep habarlaidy "Ult aqparat".
BQO taýarlar men kórsetiletin taýarlardyń sapasy men qaýipsizdigin baqylaý departamentiniń baspasóz qyzmeti habarlaǵanyndai, atalmysh avtoótkelderden jaiaý ótken adamdardan PTR ádisimen COVID-19-ǵa testiden ótkeni jóninde anyqtamalar talap etilýde.
Ótken táýlikte «Syrym» avtoótkelinen 222 júk kóligi jáne qazaqstandyq úsh azamat jaiaý ótken. Jaiaý júrginshilerdiń qolynda anyqtamalary bolǵan.
«Aqsai» beketinen 8 júk kóligi ótti, jaiaý júrginshiler joq.
«Tasqala» beketinen 12 júk kóligi, 8 jaiaý adam ótti. Jaiaý júrginshilerdiń eshqaisysynda da PTR test anyqtamasy bolmaǵandyqtan, azamattar Tasqala aýylyndaǵy karantindik statsionarǵa jatqyzyldy. Olardan zerthanaǵa synama alyndy.
«Jánibek» beketinen 3 júk kóligi ótken, jaiaý júrginshiler bolmady.
Bul baǵyttaǵy jumystar jalǵasýda.
Jalpy, oblystaǵy epidemiologiialyq ahýal salystyrmaly túrde turaqty. Óńirde osy kezge deiin koronavirýs juqpasymen 6872 adam tirkelip, sonyń 6747-si jazylyp
shyqty. 109 adam kóz jumdy.
Ótken táýlikte eki adamnan koronavirýs anyqtaldy. Onyń bireýi buryn aýyrǵan adammen qarym-qatynasta bolǵan.
Ekinshisi JRVJ belgilerimen ózdiginen emhanaǵa júgingen.
