Foto: Polisia.kz
Batys Qazaqstan oblysynyń politseileri joǵalyp ketken 3 jasar búldirshindi tapty, - dep habarlaidy "Ult aqparat" IIM baspasóz qyzmetine silteme jasap.
28 tamyz saǵat 22:00 kezinde Jánibek aýdandyq politsiia bólimine 32 jastaǵy Jánibek aýylynyń turǵyny habarlasyp, 3 jasar Aiarý esimdi qyzynyń joǵalyp ketkeni týraly aityp, aryz qaldyrǵan.
Aýyl turǵyny Jánibek aýdanynyń Uzynkól aýylyna qonaqqa bara jatyp, jolshybai mingen avtokólikten qyzy ekeýi túsip qalǵan. Qarańǵy túsken ýaqytta áiel qyzymen kele jatyp, kenet qyzynan kóz jazyp qalǵan. Boiyn úrei bilep, birden jan-jaǵynan izdei bastaǵan, biraq nátije bolmaǵan soń politsiia qyzmetkerlerine habarlasqan.
"Kishkentai búldirshindi izdeýge politsiia bóliminiń barlyq jeke quramy jumyldyrylyp, izdeý jumystary túnimen júrgizildi. Izdeý is-sharasyna 200-den astam politsiia qyzmetkeri qatysyp, shekara, tótenshe jaǵdailar qyzmeti, ákimdik jáne jergilikti aýyl turǵyndary, barlyq aýdan qyzmetteri atsalysqan.
Izdeý salynǵan Aiarý tańǵy 04:00-de shekara qyzmetiniń kinolog itteriniń kómegimen tabylǵan. Qyz aman-saý aýdandyq aýrýhanaǵa jetkizildi. Qazirgi ýaqytta búldirshinniń ómiri men densaýlyǵyna esh qaýip tónip turǵan joq" - delingen habarlamada.
