Batys Qazaqstan oblysynda aýylǵa jabaiy qaban kirip ketti, dep habarlaidy "Ult aqparat".
BQO Politsiia departamentiniń baspasóz qyzmetinen túsken málimetke qaraǵanda, oqiǵa keshe keshkisin Báiterek aýdanynyń ortalyǵy Peremetnyi kentinde bolǵan.
Saǵat 18.56-da aýyl turǵynynan balalar oinaityn alańda jabaiy qabannyń júrgeni jóninde habar túsken.
Oqiǵa ornyna eki politsiia qyzmetkeri kelip jetken. Olar qabandy aýyldan shyǵaryp jiberý úshin sharalar qoldanǵan. Alaida, qaban oǵan ońailyqpen kóne qoimai, adamdar ómirine qaýip tóndirgen. Sondyqtan politsiia inspektorlary «Quqyq qorǵaý qyzmeti týraly» QR Zańynyń 61-baby 1-bóligi 6-tarmaǵyna (adam ómirine nemese densaýlyǵyna is júzinde qater tóndirgen jaǵdailarda haiýanattardyń shabýylynan qorǵaný maqsatynda atys qarýyn jáne ózge de qarýdy qoldaný) sáikes tabeldik qarýdy qoldanýǵa májbúr bolǵan.
«Atys qarýy qoldanylǵany jóninde aqparat Báiterek aýdany prokýroryna habarlandy», - dedi PD-dan.
Eske sala keteiik, budan buryn da Qaztalov aýdanynda aýylǵa qaban kirip ketkenin jazǵan bolatynbyz.
