Qarashyǵanaq kenishinde jariialanǵan karantin búginnen bastap alyndy, dep habarlaidy "Ult aqparat".
BQO taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmeti málim etkenindei, sonymen qatar oblystyń birneshe aýdanynda karantin áli de kúshinde.
Atap aitqanda, Syrym aýdany Jympity, Jánibek aýdany Qamysty jáne Borsy, Tasqala aýdany Tasqala aýylynda karantin saqtalyp otyr.
Kúni búginge deiin óńirde 776 naýqas tirkelse, sonyń 344-i jazylyp shyqty.
Qazirgi tańda 32 adam provizorlyq, 127 adam karantindik statsionarda jatsa, úilerinde oqshaýlanǵandar sany 1894-ke jetti.
Oblysta sońǵy anyqtalǵan 22 naýqastyń 20-sy – Oral qalasynyń turǵyndary. Qalǵan ekeýi Syrym jáne Qaratóbe aýdanynan. Sonyń ishinde tórteýi – buryn koronavirýs juqtyrǵandarmen bailanysta bolǵandar. 5 adamnan profilaktikalyq maqsatta, 13 naýqastan epidkórsetkish boiynsha synama alyndy.
Óńirde indetke qarsy kúres jalǵasýda.
Eske sala keteiik, budan buryn Qarashyǵanaq kenishinde karantin jariialanǵanyn jazǵan bolatynbyz.
«Qarashyǵanaq Petroliým Opereiting b.v.» (QPO b.v.) kompaniiasy da óziniń saitynda bir qyzmetkerinen koronavirýs tabylyp, oblystyq juqpaly aýrýlar aýrýhanasyna jatqyzylǵanyn rastaǵan edi. Keiin «QPO b.v.» kompaniiasy merdigeri SICIM firmasynyń úsh qyzmetkerinen de indet anyqtalǵanyn jariia etti. Osyǵan bailanysty Qarashyǵanaq kenishinde ornalasqan SICIM kompaniiasynyń barlyq qyzmetkerleri testileýden ótkizilýde.
