Foto: Shutterstock
BQO-nyń eki turǵynyn jylan shaǵyp aldy, - dep habarlaidy Tengrinews.kz agenttigi mgorod.kz saityna silteme jasap.
Oblystyq densaýlyq saqtaý basqarmasy baspasóz qyzmetiniń málimetinshe, osy jyly jylan shaǵyp alǵan eki adam aýrýhanaǵa túsken. Olar ýdy asqyndyrmai turyp kelgen.
Sondai-aq basqarma jedel járdem kelgenge deiin alǵashqy meditsinalyq kómekti qalai kórsetý kerektigin aitty.
"Zardap shegýshini kóldeneń qalypqa jatqyzyp, tynyshtandyrý kerek. Zaqymdalǵan aimaqtan kiim men áshekeilerdi sheship tastańyz, bul qan ainalymynyń buzylýyna jáne isinýdi kúsheitýi múmkin.
Eger shaqqan jylannyń ýly ekeni belgili bolsa, alǵashqy meditsinalyq kómek kórsetý sharalary dereý júzege asyryla bastaidy. Tistegen jerdi jippen nemese basqa quraldarmen joǵary tartyp bailap, shuǵyl túrde jaqyn jerdegi jedel járdem bólimine barý kerek", - dedi oblystyq densaýlyq saqtaý basqarmasy.
