BQO-nyń «Báiterek» aýdandyq aýrýhanasynda oinap júrgen 2020 jyly týǵan qyz balanyń ústine teledidar qulady, dep habarlaidy QazAqparat.
Bala oinap júrip teledidar astyndaǵy tuǵyrǵa kóterilgen. Ákesi janynda alańsyz otyrǵan. Teledidardyń astynda qalǵan sábidi ákesi qolyna alyp qabyldaý bólmesine júgiredi. Olar aýrýhanaǵa anyqtama alý úshin barǵan.
BQO densaýlyq saqtaý basqarmasy baspasóz qyzmetiniń málimetinshe, balany pediatr shuǵyl qaraǵan.
«Aýyrsynýdy basatyn dári-dármekter qoldanylyp, bas súiegi men keýde qýysy rentgenge túsirilip, sanitarlyq aviatsiia shaqyrylǵan. Balanyń jaǵdaiy nasharlai bastaǵan soń, balalar reanimatologynyń keńesimen shuǵyl túrde oblystyq aýrýhanaǵa jiberý usynylady. Pediatrdyń qadaǵalaýymen reanimobilmen oblystyq kópbeiindi balalar aýrýhanasyna jetkizilip, bala jansaqtaý bólimine jatqyzylǵan», - dep málimdedi vedomstvodan.
Qazirgi bar derekterge qaraǵanda, jetkinshektiń jabyq bas súiek-mi jaraqaty, sýbarahnoidty qan ketý, mańdai-parietaldy súiektiń synýy anyqtalǵan. Qazir balanyń jaǵdaiy turaqty aýyr.
