Batys Qazaqstan oblysynda jol apatynan 4 adam qaza taýyp, altaýy aýrýhanaǵa jetkizildi, dep habarlaidy "Ult aqparat".
BQO TJ departamenti baspasóz qyzmetiniń málim etkenindei, oqiǵa 26 aqpan kúni Aqjaiyq aýdany aýmaǵynda boldy.
Saǵat 03.29-da Atyraý-Oral jolynyń 259-shaqyrymynda Atameken aýylynan 10 km jerde eki «Toiota Kamri» avtokóligi soqtyǵysty.
Sonyń saldarynan eki kóliktegi 4 jolaýshy kóz jumyp, alty adam Taipaq aýylyndaǵy aýrýhanaǵa jetkizildi.
BQO politsiia departamentiniń resmi ókili Bolatbek Belgibekovtiń naqtylaýynsha, aýa raiynyń nasharlaýyna bailanysty atalmysh baǵyttaǵy kúre joldy 26 aqpan kúngi saǵat 00.00-den bastap jabý týraly sheshim qabyldanǵan bolatyn. Alaida taksi júrgizýshisi politsiia qyzmetkerleriniń zańdy talabyna baǵynbaǵan. Sonyń saldarynan eki kóliktiń betpe-bet túiisýine jol bergen. Onyń politsiia qyzmetkerleriniń talabyna baǵynbaǵany jóninde beinejazba bar.
