باتىس قازاقستان وبلىسىندا جول اپاتىنان 4 ادام قازا تاۋىپ, التاۋى اۋرۋحاناعا جەتكٸزٸلدٸ, دەپ حابارلايدى "ۇلت اقپارات".
بقو تج دەپارتامەنتٸ باسپاسٶز قىزمەتٸنٸڭ مەلٸم ەتكەنٸندەي, وقيعا 26 اقپان كٷنٸ اقجايىق اۋدانى اۋماعىندا بولدى.
ساعات 03.29-دا اتىراۋ-ورال جولىنىڭ 259-شاقىرىمىندا اتامەكەن اۋىلىنان 10 كم جەردە ەكٸ «تويوتا كامري» اۆتوكٶلٸگٸ سوقتىعىستى.
سونىڭ سالدارىنان ەكٸ كٶلٸكتەگٸ 4 جولاۋشى كٶز جۇمىپ, التى ادام تايپاق اۋىلىنداعى اۋرۋحاناعا جەتكٸزٸلدٸ.
بقو پوليتسييا دەپارتامەنتٸنٸڭ رەسمي ٶكٸلٸ بولاتبەك بەلگٸبەكوۆتٸڭ ناقتىلاۋىنشا, اۋا رايىنىڭ ناشارلاۋىنا بايلانىستى اتالمىش باعىتتاعى كٷرە جولدى 26 اقپان كٷنگٸ ساعات 00.00-دەن باستاپ جابۋ تۋرالى شەشٸم قابىلدانعان بولاتىن. الايدا تاكسي جٷرگٸزۋشٸسٸ پوليتسييا قىزمەتكەرلەرٸنٸڭ زاڭدى تالابىنا باعىنباعان. سونىڭ سالدارىنان ەكٸ كٶلٸكتٸڭ بەتپە-بەت تٷيٸسۋٸنە جول بەرگەن. ونىڭ پوليتسييا قىزمەتكەرلەرٸنٸڭ تالابىنا باعىنباعانى جٶنٸندە بەينەجازبا بار.
