Batys Qazaqstan oblysynda jemqorlyq deregine bailanysty aýdan ákimi qyzmetinen ketip, ornyna jańa basshy taǵaiyndaldy, dep habarlaidy "Ult aqparat".
BQO ákiminiń baspasóz qyzmetinen túsken málimetke qaraǵanda, ótken jyldyń aiaǵynda Shyńǵyrlaý aýdanynda bilim berý bólimi basshysyna qatysty jemqorlyq deregi tirkelgen bolatyn.
Osyǵan bailanysty Erjan Turmaǵambetov óz erkimen aýdan ákimi retindegi qyzmetinen ketý týraly sheshim qabyldap, ótinish bildirdi.
Oblys ákimi Erjan Rysjanulynyń ótinishin maquldady.
Jańa ereje shyqpas buryn oryn alǵan oqiǵa bolǵanymen, osyndai qadamǵa barǵan E.Turmaǵambetov tájiribesi mol memlekettik qyzmetshi retinde kadr rezervinde bolady.
QR Prezidenti Ákimshiliginiń jáne aýdandyq máslihat kelisimimen meritokratiia qaǵidasyna sáikes Áliia Muhanbetjanova Shyńǵyrlaý aýdanynyń ákimi bolyp taǵaiyndaldy.
Áliia Biǵazyqyzy 1978 jyly Oral qalasynda dúniege kelgen. Bilimi joǵary. Batys Qazaqstan memlekettik agrarlyq ýniversitetin agrohimiia jáne topyraqtaný, M.Ótemisov atyndaǵy Batys Qazaqstan memlekettik ýniversitetin orys tili men ádebieti, shet tili mamandyqtary boiynsha bitirgen
Ár jyldary Zelenov (qazir Báiterek) aýdany Kojevnikov orta mektebiniń muǵalimi, jer resýrstaryn basqarý jónindegi Zelenov aýdandyq bóliminiń jetekshi mamany, osy aýdanda aýyl sharýashylyǵy jáne jer qatynastary bóliminiń bas mamany, jer qatynastary bóliminiń basshysy qyzmetterin atqardy.
2014 jyldyń tamyz aiynan bastap BQO jer qatynastary basqarmasynyń basshysy boldy.
Eske sala keteiik, budan buryn BQO-da para aldy degen kúdikpen aýdandyq bilim berý bóliminiń basshysy ustalǵanyn jazǵan bolatynbyz.
Keiin A.Saparov sot úkimimen 3 jyl 6 aiǵa bas bostandyǵynan aiyryldy.
