Foto: Halyq Uni
QMA Batys Qazaqstan oblysy boiynsha departamenti «World Money» kompaniiasynyń ókilderine qatysty qarjy piramidasyn quryp, ony basqardy degen kúdikpen sotqa deiingi tergeý júrgizip jatyr, dep habarlaidy "Ult aqparat" Qarjylyq monitoring agenttigine silteme jasap.
Kompaniianyń mindetti sharttarynyń biri 21 myńnan 53 myń teńgege deiingi qarajatty tólep, basqa qatysýshylardy, sonyń ishinde WhatsApp jáne Telegram messendjerleri arqyly tartý bolǵan.
2023 jyldyń qańtarynan qazirgi ýaqytqa deiingi kezeńde qarjy piramidasyna 130 adam tartylǵan.
"Aýmaqtyq departament oblystyq prokýratýranyń úilestirýimen kompaniianyń qyzmetin bastapqy kezeńde toqtatyp, aldanǵan salymshylardyń sanyn azaitýǵa múmkindik berdi. Sotqa deiingi tergeý jalǵasyp jatyr.
Eger siz jáne sizdiń jaqyndaryńyz qarjy piramidasynyń qyzmetine tap bolsa, turǵylyqty jerińiz boiynsha ekonomikalyq tergeý departamentine habarlasýyńyzdy suraimyz. Azamattardy qyraǵy bolýǵa jáne jinaqtaryn kúmándi qarjy institýttaryna salmaýǵa shaqyramyz" - delingen habarlamada.
QR Konstitýtsiiasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árkim kinásiz dep esepteledi.
