atys Qazaqstan oblysynda turǵyndar aýylda oq atqan, dep habarlaidy "Ult aqparat".
BQO politsiia departamentiniń baspasóz qyzmetinen túsken málimetke qaraǵanda, oqiǵa 11 tamyz kúni Báiterek aýdany Beles aýylynda oryn aldy.
Mán-jaidy tekserý barysynda anyqtalǵanyndai, Oral qalasynyń tórt turǵyny tabiǵatqa demalýǵa shyǵyp, sonyń bireýi tirkelgen ańshy myltyǵyn ózimen birge ala júrgen.
Olar Oral qalasy men Beles aýyly aralyǵynda aialdap, ekeýi araq iship, qalbyrdy kózdep, oq atqan. Sodan keiin ekeýi Beles aýylyna araq alýǵa barǵan. Dúkennen shyqqannan keiin Beles aýylynyń eki turǵynymen sózge kelgen. Sol kezde «qonaqtardyń» bireýi avtokóliginen myltyǵyn alyp, bir jaqqa júgirgen. Kóp uzamai adamdar atylǵan myltyqtyń daýysyn estigen. Sosyn Beles turǵyny «qonaqtyń» artynan júgirip, myltyǵyn tartyp alǵan.
Abyroi bolǵanda, eshkim zardap shekken joq.
Atalǵan derek boiynsha «Saiga-20» myltyǵy, oq-dáriler tárkilendi.
Qarýdyń iesi men onyń tanysyna qatysty QR Ákimshilik quqyqbuzýshylyq kodeksi 436-baby 1-bóligi (eldi mekenderde qarý qoldanyp, oq atý) jáne 440-babyna (alkogoldy ishimdikter ishý nemese qoǵamdyq oryndarǵa mas kúiinde barý) sáikes ákimshilik hattama toltyryldy. Oǵan qosa qarý iesi atalǵan kodekstiń 484-baby 1-bóligine (qarý iemdený, esepke alý, saqtaý jáne tasymaldaý erejesin buzý) sáikes ákimshilik sotta jaýap beretin bolady.
Tekseris barysynda adamdarǵa oq atylǵany jónindegi derek rastalmady.
