Oralda qardyń qatty erýine bailanysty turǵyn úilerdi sý basý qaýpi týyndady, dep habarlaidy "Ult aqparat".
BQO TJ departamentiniń baspasóz qyzmeti málim etkenindei, atap aitqanda, 4 sáýir kúni «Sarytaý» shaǵynaýdanynda Kúltegin men A.Shaihiev kósheleriniń qiylysynda qar sýy jinaldy.
Sonyń saldarynan úsh úige sý kirý qaýpi týyndady. Sýdy aryq júiesimen aidaý úshin oqiǵa ornyna TJD qyzmetkerleri jetti.
Sonymen qatar Oral qalasy TJ basqarmasy shahardyń turǵyn úi kommýnaldyq sharýashylyǵy bólimimen birlese otyryp, tótenshe jaǵdaidyń aldyn alý úshin qatqyl tabandy joldy kesip, turba salý jumysyn atqardy.
Qazirgi kezde atalǵan ýchaskede sý basý qaýpi joiyldy.
TJ departamentiniń málimetine qaraǵanda, basqa jerlerde jaǵdai qalypty.
Óńirde osy kezge deiin qala men eldi mekenderden 985087 tekshe metr qar shyǵarylyp, 111419 tekshe metr sý soryldy.
