ورالدا قاردىڭ قاتتى ەرۋٸنە بايلانىستى تۇرعىن ٷيلەردٸ سۋ باسۋ قاۋپٸ تۋىندادى, دەپ حابارلايدى "ۇلت اقپارات".
بقو تج دەپارتامەنتٸنٸڭ باسپاسٶز قىزمەتٸ مەلٸم ەتكەنٸندەي, اتاپ ايتقاندا, 4 سەۋٸر كٷنٸ «سارىتاۋ» شاعىناۋدانىندا كٷلتەگٸن مەن ا.شايحيەۆ كٶشەلەرٸنٸڭ قيىلىسىندا قار سۋى جينالدى.
سونىڭ سالدارىنان ٷش ٷيگە سۋ كٸرۋ قاۋپٸ تۋىندادى. سۋدى ارىق جٷيەسٸمەن ايداۋ ٷشٸن وقيعا ورنىنا تجد قىزمەتكەرلەرٸ جەتتٸ.
سونىمەن قاتار ورال قالاسى تج باسقارماسى شاھاردىڭ تۇرعىن ٷي كوممۋنالدىق شارۋاشىلىعى بٶلٸمٸمەن بٸرلەسە وتىرىپ, تٶتەنشە جاعدايدىڭ الدىن الۋ ٷشٸن قاتقىل تاباندى جولدى كەسٸپ, تۇربا سالۋ جۇمىسىن اتقاردى.
قازٸرگٸ كەزدە اتالعان ۋچاسكەدە سۋ باسۋ قاۋپٸ جويىلدى.
تج دەپارتامەنتٸنٸڭ مەلٸمەتٸنە قاراعاندا, باسقا جەرلەردە جاعداي قالىپتى.
ٶڭٸردە وسى كەزگە دەيٸن قالا مەن ەلدٸ مەكەندەردەن 985087 تەكشە مەتر قار شىعارىلىپ, 111419 تەكشە مەتر سۋ سورىلدى.
