Batys Qazaqstan oblysynda Reseiden 150 keli ýyldyryq jetkizbek bolǵan qazaqstandyq azamat ustaldy, dep habarlaidy "Ult aqparat".
QR UQK shekara qyzmeti 2029-áskeri bólim komandiriniń orynbasary Asqar Qazbekovtiń aitýynsha, oqiǵa 26 aqpan kúni shamamen saǵat 23.15-te «Syrym» ótkizý beketinde oryn aldy.
«Gazel» avtokóligin arnaiy quraldarmen tekserý barysynda azyq-túlik esebinde jasyrylǵan júk anyqtaldy. Alty plastmassa konteinerin qaraǵan kezde odan qujattary joq 150 kelidei aqserke ýyldyryǵy shyqty. Onyń quny aldyn ala esep boiynsha 3,5 mln teńgeni qurady.
«Qazaqstandyq azamat júkti Reseiden Qazaqstanǵa alyp ótpek bolǵan. Atalǵan oqiǵa tiisti organdarǵa habarlandy. Is Báiterek aýdanyndaǵy Priýral politsiia bólimine tapsyryldy», dedi A.Qazbekov.
