باتىس قازاقستان وبلىسىندا رەسەيدەن 150 كەلٸ ۋىلدىرىق جەتكٸزبەك بولعان قازاقستاندىق ازامات ۇستالدى, دەپ حابارلايدى "ۇلت اقپارات".
قر ۇقك شەكارا قىزمەتٸ 2029-ەسكەري بٶلٸم كومانديرٸنٸڭ ورىنباسارى اسقار قازبەكوۆتٸڭ ايتۋىنشا, وقيعا 26 اقپان كٷنٸ شامامەن ساعات 23.15-تە «سىرىم» ٶتكٸزۋ بەكەتٸندە ورىن الدى.
«گازەل» اۆتوكٶلٸگٸن ارنايى قۇرالدارمەن تەكسەرۋ بارىسىندا ازىق-تٷلٸك ەسەبٸندە جاسىرىلعان جٷك انىقتالدى. التى پلاستماسسا كونتەينەرٸن قاراعان كەزدە ودان قۇجاتتارى جوق 150 كەلٸدەي اقسەركە ۋىلدىرىعى شىقتى. ونىڭ قۇنى الدىن الا ەسەپ بويىنشا 3,5 ملن تەڭگەنٸ قۇرادى.
«قازاقستاندىق ازامات جٷكتٸ رەسەيدەن قازاقستانعا الىپ ٶتپەك بولعان. اتالعان وقيعا تيٸستٸ ورگاندارعا حابارلاندى. ٸس بەيتەرەك اۋدانىنداعى پريۋرال پوليتسييا بٶلٸمٸنە تاپسىرىلدى», دەدٸ ا.قازبەكوۆ.
