Batys Qazaqstan oblysynda 6-14 qazan aralyǵynda Reseimen shekaradaǵy avtoótkelderden Qazaqstanǵa 4942 adam ótti, dep habarlaidy "Ult aqparat".
BQO Taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Muhamǵali Aryspaevtyń málim etkenindei, sonyń 1287-si – jolaýshylar. Olardyń arasyndaǵy 951 jolaýshynyń qolynda COVID-19-ǵa tekserýden ótkeni jóninde anyqtamasy bolǵan. Anyqtamasy joq 358 adam túgeldei eki táýlikke karantindik statsionarǵa jatqyzyldy. Sonyń ishinde 8 adamnyń koronavirýs juqtyrǵany belgili boldy. Bulardyń beseýi – «Syrym», ekeýi «Tasqala», bireýi «Aqsai» beketinen ótken.
Anyqtamasy joq 56 sheteldik azamat keri qaitaryldy.
Sońǵy táýlikte shekaradan 508 adam ótse, sonyń 146-sy – jolaýshy. Anyqtamasy joq 26 adam karantindik statsionarǵa jatqyzyldy. Úsheýinen indet tabyldy.
Aita keteiik, Batys Qazaqstan oblysy Reseidiń bes oblysymen shektesedi.
Shekarada turǵan 4 avtoótkelde sanitarlyq-karantindik beketter bar. Onda epidemiolog mamandar saýalnama júrgizip, kelgenderdiń qyzýyn ólshep, anyqtamasynyń bar-joǵyn tekserýde.
«Kórshiles Resei elinde koronavirýstyń órshi túsýi alańdatady. Tek sońǵy táýlikte 14 myń adamnan indet anyqtalyp otyr. Sondyqtan shekaralarda karantindik sharalar kúsheitiledi. Qazirgi kezde jańa qaýly ázirlenýde», - dedi M.Aryspaev.
