Batys Qazaqstan oblysynda «Nur Otan» praimerizine qatysýǵa ótinish bildirgenderdiń 40 paiyzy – áielder, dep habarlaidy QazAqparat.
«Nur Otan» partiiasy BQO filialy tóraǵasynyń birinshi orynbasary Murat Muqaevtyń brifingte málim etkenindei, óńirde úmitkerlerdi usyný men tirkeý 17 tamyzda bastalyp, 28-ine deiin jalǵasady.
Qazirdiń ózinde oblys boiynsha 167 adam niet tanytyp, 40 paiyzy áielder bolsa, sonyń ishinde altaýy – kóp balaly analar. Sondai-aq jastar da qushtarlyq tanytýda, olar ótinish bildirgenderdiń 35 paiyzyn qurap otyr. Praimerizge ár túrli jastaǵy, túrli sanattaǵy adamdardy tartý kózdelýde. Kúni búgin bul jóninen Oral qalasy, Bórli, Aqjaiyq jáne Jańaqala aýdany turǵyndary belsendilik kórsetýde.
- Biylǵy praimerizdiń ereksheligi, onyń ashyq jáne jariialy túrde ótetindigi. Úmitkerlerdi bastaýysh partiia uiymdary usynady. Sonymen qatar ózin-ózi usynýǵa da bolady.
Praimerizge partiia múshelerimen qatar aitar oi-pikiri bar, ózine senetin, aldaǵy ýaqytta el múddesi úshin qyzmet atqaramyn dep bel býǵan azamattar da qatysa alady. Biz olardy partiia músheligine alyp, óz baqtaryn synaýǵa jaǵdai jasaimyz, - deidi M.Muqaev.
Úmitkerlerge úgit jumystaryna daiyndalý jeti kún (31 tamyzdan 6 qyrkúiekke deiin) beriledi. Sodan soń úgit jumystary bastalyp, kandidattar jariia pikirsaiystarǵa qatysady.
Elektrondy daýys berý 1-3 qazan aralyǵynda ótip, daýys berýdiń sońǵy kúni bastaýysh partiia uiymdarynyń bazasynda sailaý ýchaskeleri ashylady. Internet joq eldi mekenderde osyndai sailaý ýchaskesine kelip, qaǵaz biýlletender arqyly daýys berýge bolady. Oblys boiynsha 50 sailaý ýchaskesi belgilendi. Kandidattardyń reitingteri kórsetilgen praimeriz nátijeleri 5 qazanda jariialanady.
Daýys berýdi uiymdastyrý jáne ótkizý, onyń qorytyndylaryn aiqyndaý maqsatynda óńirlik, aýmaqtyq jáne ýchaskelik esep komissiialary quryldy.
«Oblysta 27 myń partiia múshesi bolsa, solardyń 85 paiyzy onlain túrde daýys beredi dep otyrmyz. Al interneti joq shalǵai eldi mekenderde daýys berý dástúrli túrde ótedi», - dedi Murat Muqaev.
