باتىس قازاقستان وبلىسىندا «Nur Otan» پرايمەريزٸنە قاتىسۋعا ٶتٸنٸش بٸلدٸرگەندەردٸڭ 40 پايىزى – ەيەلدەر, دەپ حابارلايدى قازاقپارات.
«Nur Otan» پارتيياسى بقو فيليالى تٶراعاسىنىڭ بٸرٸنشٸ ورىنباسارى مۇرات مۇقاەۆتىڭ بريفينگتە مەلٸم ەتكەنٸندەي, ٶڭٸردە ٷمٸتكەرلەردٸ ۇسىنۋ مەن تٸركەۋ 17 تامىزدا باستالىپ, 28-ٸنە دەيٸن جالعاسادى.
قازٸردٸڭ ٶزٸندە وبلىس بويىنشا 167 ادام نيەت تانىتىپ, 40 پايىزى ەيەلدەر بولسا, سونىڭ ٸشٸندە التاۋى – كٶپ بالالى انالار. سونداي-اق جاستار دا قۇشتارلىق تانىتۋدا, ولار ٶتٸنٸش بٸلدٸرگەندەردٸڭ 35 پايىزىن قۇراپ وتىر. پرايمەريزگە ەر تٷرلٸ جاستاعى, تٷرلٸ ساناتتاعى ادامداردى تارتۋ كٶزدەلۋدە. كٷنٸ بٷگٸن بۇل جٶنٸنەن ورال قالاسى, بٶرلٸ, اقجايىق جەنە جاڭاقالا اۋدانى تۇرعىندارى بەلسەندٸلٸك كٶرسەتۋدە.
- بيىلعى پرايمەريزدٸڭ ەرەكشەلٸگٸ, ونىڭ اشىق جەنە جارييالى تٷردە ٶتەتٸندٸگٸ. ٷمٸتكەرلەردٸ باستاۋىش پارتييا ۇيىمدارى ۇسىنادى. سونىمەن قاتار ٶزٸن-ٶزٸ ۇسىنۋعا دا بولادى.
پرايمەريزگە پارتييا مٷشەلەرٸمەن قاتار ايتار وي-پٸكٸرٸ بار, ٶزٸنە سەنەتٸن, الداعى ۋاقىتتا ەل مٷددەسٸ ٷشٸن قىزمەت اتقارامىن دەپ بەل بۋعان ازاماتتار دا قاتىسا الادى. بٸز ولاردى پارتييا مٷشەلٸگٸنە الىپ, ٶز باقتارىن سىناۋعا جاعداي جاسايمىز, - دەيدٸ م.مۇقاەۆ.
ٷمٸتكەرلەرگە ٷگٸت جۇمىستارىنا دايىندالۋ جەتٸ كٷن (31 تامىزدان 6 قىركٷيەككە دەيٸن) بەرٸلەدٸ. سودان سوڭ ٷگٸت جۇمىستارى باستالىپ, كانديداتتار جارييا پٸكٸرسايىستارعا قاتىسادى.
ەلەكتروندى داۋىس بەرۋ 1-3 قازان ارالىعىندا ٶتٸپ, داۋىس بەرۋدٸڭ سوڭعى كٷنٸ باستاۋىش پارتييا ۇيىمدارىنىڭ بازاسىندا سايلاۋ ۋچاسكەلەرٸ اشىلادى. ينتەرنەت جوق ەلدٸ مەكەندەردە وسىنداي سايلاۋ ۋچاسكەسٸنە كەلٸپ, قاعاز بيۋللەتەندەر ارقىلى داۋىس بەرۋگە بولادى. وبلىس بويىنشا 50 سايلاۋ ۋچاسكەسٸ بەلگٸلەندٸ. كانديداتتاردىڭ رەيتينگتەرٸ كٶرسەتٸلگەن پرايمەريز نەتيجەلەرٸ 5 قازاندا جارييالانادى.
داۋىس بەرۋدٸ ۇيىمداستىرۋ جەنە ٶتكٸزۋ, ونىڭ قورىتىندىلارىن ايقىنداۋ ماقساتىندا ٶڭٸرلٸك, اۋماقتىق جەنە ۋچاسكەلٸك ەسەپ كوميسسييالارى قۇرىلدى.
«وبلىستا 27 مىڭ پارتييا مٷشەسٸ بولسا, سولاردىڭ 85 پايىزى ونلاين تٷردە داۋىس بەرەدٸ دەپ وتىرمىز. ال ينتەرنەتٸ جوق شالعاي ەلدٸ مەكەندەردە داۋىس بەرۋ دەستٷرلٸ تٷردە ٶتەدٸ», - دەدٸ مۇرات مۇقاەۆ.
