Batys Qazaqstan oblysynda biyl 4857 adam koronavirýs juqtyrdy, dep habarlaidy "Ult aqparat".
BQO Sanitarlyq-epidemiologiialyq baqylaý departamentiniń basshysy Muhamǵali Aryspaevtyń Óńirlik kommýnikatsiialar qyzmeti alańynda málim etkenindei, sonyń ishinde qańtar aiynda - 1837, aqpanda - 1950, naýryzda 1070 adamnyń aýyrǵany tirkeldi.
Onyń sózine qaraǵanda, 1 naýryzdan beri indet juqtyrǵandarmen bailanysta bolǵan 2506 adam meditsinalyq baqylaýǵa alyndy.
Sońǵy aptada (12-18 naýryz) aldyńǵy aptamen salystyrǵanda, aýrý juqtyrý kórsetkishiniń 1,4 paiyzǵa (405-ten 411-ge) óskeni baiqalady.
Aýyrǵandardyń 397-si (37,1 paiyzy) – jumys jasaityndar, 261-i (24,3 paiyz) – zeinetkerler, 180-i (16,8 paiyzy) – jumyssyzdar, 101-i (9,6 paiyzy) – oqýshylar, 39-y (3,6 paiyzy) – meditsina qyzmetkerleri, 34-i (3,1 paiyzy) – muǵalimder.
Syrqattanǵandardyń 362-si nemese 33,8 paiyzy buryn aýyrǵandarmen qarym-qatynasta bolǵan. 297-si (27,7 paiyzy) saýda úileri, bazarlar men meditsina uiymdarynda, 283-i (26,4 paiyzy) qoǵamdyq kólikterde, 85-i (7,9 paiyzy) sadaqa-toilarda juqtyrǵan.
Keshe oblysta 81 adamnyń koronavirýs juqtyrǵany tirkeldi.
«Alda Naýryz merekesi kele jatyr. Sondyqtan meiram kúnderi oblys turǵyndaryn sanitarlyq talaptardy saqtaýǵa shaqyramyz. Oblys «qyzyl» aimaqqa kirgendikten, jańa qaýlyǵa sáikes 20 naýryzdan bastap karantindik shekteý sharalary kúsheitilip otyr. Eger jaǵdai ózgermeitin bolsa, talap budan da qatańdatylady», dedi M.Aryspaev.
