باتىس قازاقستان وبلىسىندا بيىل 4857 ادام كوروناۆيرۋس جۇقتىردى, دەپ حابارلايدى "ۇلت اقپارات".
بقو سانيتارلىق-ەپيدەميولوگييالىق باقىلاۋ دەپارتامەنتٸنٸڭ باسشىسى مۇحامعالي ارىسپاەۆتىڭ ٶڭٸرلٸك كوممۋنيكاتسييالار قىزمەتٸ الاڭىندا مەلٸم ەتكەنٸندەي, سونىڭ ٸشٸندە قاڭتار ايىندا - 1837, اقپاندا - 1950, ناۋرىزدا 1070 ادامنىڭ اۋىرعانى تٸركەلدٸ.
ونىڭ سٶزٸنە قاراعاندا, 1 ناۋرىزدان بەرٸ ٸندەت جۇقتىرعاندارمەن بايلانىستا بولعان 2506 ادام مەديتسينالىق باقىلاۋعا الىندى.
سوڭعى اپتادا (12-18 ناۋرىز) الدىڭعى اپتامەن سالىستىرعاندا, اۋرۋ جۇقتىرۋ كٶرسەتكٸشٸنٸڭ 1,4 پايىزعا (405-تەن 411-گە) ٶسكەنٸ بايقالادى.
اۋىرعانداردىڭ 397-سٸ (37,1 پايىزى) – جۇمىس جاسايتىندار, 261-ٸ (24,3 پايىز) – زەينەتكەرلەر, 180-ٸ (16,8 پايىزى) – جۇمىسسىزدار, 101-ٸ (9,6 پايىزى) – وقۋشىلار, 39-ى (3,6 پايىزى) – مەديتسينا قىزمەتكەرلەرٸ, 34-ٸ (3,1 پايىزى) – مۇعالٸمدەر.
سىرقاتتانعانداردىڭ 362-سٸ نەمەسە 33,8 پايىزى بۇرىن اۋىرعاندارمەن قارىم-قاتىناستا بولعان. 297-سٸ (27,7 پايىزى) ساۋدا ٷيلەرٸ, بازارلار مەن مەديتسينا ۇيىمدارىندا, 283-ٸ (26,4 پايىزى) قوعامدىق كٶلٸكتەردە, 85-ٸ (7,9 پايىزى) ساداقا-تويلاردا جۇقتىرعان.
كەشە وبلىستا 81 ادامنىڭ كوروناۆيرۋس جۇقتىرعانى تٸركەلدٸ.
«الدا ناۋرىز مەرەكەسٸ كەلە جاتىر. سوندىقتان مەيرام كٷندەرٸ وبلىس تۇرعىندارىن سانيتارلىق تالاپتاردى ساقتاۋعا شاقىرامىز. وبلىس «قىزىل» ايماققا كٸرگەندٸكتەن, جاڭا قاۋلىعا سەيكەس 20 ناۋرىزدان باستاپ كارانتيندٸك شەكتەۋ شارالارى كٷشەيتٸلٸپ وتىر. ەگەر جاعداي ٶزگەرمەيتٸن بولسا, تالاپ بۇدان دا قاتاڭداتىلادى», دەدٸ م.ارىسپاەۆ.
