Batys Qazaqstan oblysynda koronavirýs juqtyrǵan sońǵy naýqas Reseiden kelgen shymkenttik turǵyn bolyp shyqty, dep habarlaidy "Ult aqparat".
Óńirde koronavirýs juqtyrǵan sońǵy naýqas – Reseide vahtalyq ádispen jumys isteitin Shymkent qalasynyń 40 jastaǵy turǵyny.
Samara oblysymen shektesetin «Syrym» beketinen ótken kezde onyń densaýlyǵyna shaǵymy bolmaǵan. Degenmen ol jedel járdemmen karantindik statsionarǵa jetkizildi.
Zerthanalyq synama qorytyndysymen odan koronavirýs anyqtalyp, oblystyq juqpaly aýrýlar aýrýhanasyna jatqyzyldy.
Dezinfektsiialyq jumystar júrgizildi. Epidemiiaǵa qarsy sharalar jalǵasýda.
Osylaisha BQO-da aýyrǵandar sany 64-ke jetip, sonyń ekeýi jazylyp shyqty. Syrqattanǵandardyń 56-sy – shetten kelgender.
Eske sala keteiik, budan buryn BQO-nyń Tasqala aýdanynda karantindik jáne provizorlyq statsionar ashylǵanyn jazǵan bolatynbyz.
