.webp)
Sýret: pixabay
Batys Qazaqstan oblysy Kaztalov aýdanynda sý tasqynynan zardap shekken turǵyndarǵa kómektesýge barǵan qutqarýshy pyshaq jaraqatyn aldy, dep habarlaidy «Ult aqparat».
Tótenshe jaǵdailar ministrliginiń málimetinshe, oqiǵa 31 naýryz kúni keshte Kaztalov aýdany Jalpaqtal aýylynyń mańynda bolǵan.
Ishimdik ishken adam 26 jastaǵy qutqarýshyǵa shabýyldaǵan. Keýde tusynan jaraqat alǵan qutqarýshy aýrýhanaǵa jetkizildi.
"Jedel derekter boiynsha, jergilikti turǵyndarǵa kómek kórsetý boiynsha sý tasqynyna qarsy is-sharalardy ótkizý barysynda Qaraózen ózeniniń jaǵasynda 1998 jyly týǵan azamattyq qorǵaý serjanty jaralandy. Ol aýdandyq aýrýhanaǵa keýde aimaǵynda eki pyshaq jaraqatymen jetkizildi. Naýqas dárigerlerdiń baqylaýynda. Politsiianyń málimetinshe, shabýyldaýshy ishimdik ishken kúiinde bolǵan", - dep habarlady TJM.
Osy oqiǵaǵa bailanysty sotqa deiingi tergeý bastaldy.
