Batys Qazaqstan oblysynda qoǵamdyq kólikter demalys kúnderi de júretin boldy, dep habarlaidy "Ult aqparat".
BQO bas memlekettik sanitar dárigeriniń biylǵy 16 tamyzdaǵy «Batys Qazaqstan oblysy aýmaǵynda karantindik shekteý sharalaryn kezeń-kezeńmen jeńildetý týraly» qaýlysyna birqatar ózgerister men tolyqtyrýlar engizildi.
Jańa qaýlyǵa sáikes 31 tamyzdan bastap qalaaralyq, oblysishilik avtobýstardyń, shaǵyn avtobýstardyń qozǵalysyna da ruqsat berildi.
Sondai-aq sanitarlyq normalarǵa sáikestik aktisiniń negizinde dini nysandar (meshitter, shirkeýler, soborlar, sinagogalar jáne t.b.) (jeke, ujymdyq is-sharalar ótkizilmeidi);
- basseinder (jeke formatta, 1 kelýshige 5 sharshy metr sý beti esebinen, aldyn ala jazylý arqyly) jumys kúnderi saǵat 07.00-den 22.00-ge deiin;
- jattyǵý zaldary (1 kelýshige 5 sharshy metrge deiin, aldyn ala jazylý arqyly) jumys kúnderi saǵat 07.00-den 22.00-ge deiin;
- sport keshenderi (1 kelýshige 5 sharshy metrge deiin jeke jáne toptyq jattyǵýlar úshin) jumys kúnderi saǵat 07.00-den 22.00-ge deiin;
- mádeniet nysandary (1 kelýshige 5 sharshy metrge deiin, tolymdylyǵy 50 paiyzdan aspaidy, onyń ishinde keminde 2 metr áleýmettik qashyqtyqty saqtai otyryp, 30 adamǵa deiin ujymdyq daiyndyqtar, úzilisterde bólmelerdi jeldetý, betperde taǵý) jumys jáne demalys kúnderi saǵat 09.00-den 18.00-ge deiin;
- erekshe qorǵalatyn tabiǵi aýmaqtar: memlekettik ulttyq tabiǵi parkter, qoryqtar, rezervattar (jeke jáne uiymdasqan toptar úshin 15 adamnan aspaityn, áleýmettik araqashyqtyqty saqtai otyryp, keminde 2 metr, betperde taǵý) jumys isteitin bolady.
Al aýyl sharýashylyǵy, azyq-túlik jármeńkelerin indetke qarsy kúres sharalaryn, sanitarlyq-epidemiologiialyq talaptardy qatań saqtai otyryp, demalys kúnderi saǵat 09.00-den 18.00-ge deiin ótkizýge bolady.
Degenmen saýyqtyrý jáne mektep janyndaǵy lagerlerdiń, jaǵajailardyń, barlyq oiyn-saýyq nysandarynyń (ashyq aýadaǵy attraktsiondardy qospaǵanda), kinoteatrlardyń, fýdkorttardyń, banket zaldarynyń, oiyn alańdarynyń barlyq túrleriniń (aýlalardaǵyny qospaǵanda), túngi klýbtardyń, barlardyń, karaokeniń, kompiýterlik jáne oiyn klýbtarynyń, kaliandyq, býkmekerlik keńselerdiń, keiteringtik qyzmetter kórsetýdiń jáne merekelerdi uiymdastyrý jónindegi qyzmetterdiń, menshik nysanyna qaramastan, mektepke deiingi balalar mekemeleri (kezekshi toptardy qospaǵanda) qyzmeti burynǵysha toqtatyla turady.
Oǵan qosa saýda úileri men ortalyqtary (býtikter, pavilondar), saýda jelileri (ishinde ornalasqan azyq-túlik sýpermarketter men dárihanalardy qospaǵanda), jabyq azyq-túliktik emes jáne azyq-túlik bazarlary, sulýlyq salondary, shashtarazdar, kosmetologiialyq qyzmet kórsetetin nysandar, ЅRA ortalyqtar (salondar), fitnes ortalyqtary, monshalar, saýnalar, ashyq aýadaǵy attraktsiondar, dini nysandar, basseinder, jattyǵý zaldary, sport keshenderi demalys jáne mereke kúnderi Qazaqstan Respýblikasynyń eńbek zańnamasyna sáikes jumys istemeidi.
