Batys Qazaqstan oblysynda iri kólemde qarjy men avtokólik bopsalaǵandar ustaldy, dep habarlaidy "Ult aqparat".
BQO politsiia departamentiniń baspasóz qyzmeti málim etkendei, úsh oqiǵa da Oral qalasynda bolǵan.
Ábilqaiyr han kóshesi boiynda «Jigýli» aialdamasy mańynda 1989 jylǵy turǵyn 34 jastaǵy azamatqa pyshaqqa uqsas zatpen kúsh kórsetip, dene jaraqatyn salǵan. Sosyn 1,750 mln teńge kóleminde qarjy bopsalaǵan.
Sondai-aq 1992 jylǵy eki turǵyn Eýraziia dańǵyly boiyndaǵy «SINOIl» janar-jaǵarmai stansasy tusynda qalada turatyn 26 jastaǵy azamatqa kúsh kórsetip, onyń avtokóligin bopsalap, tartyp alǵan.
Qazirgi kezde Oral qalasy politsiia basqarmasy bul eki oqiǵa boiynsha QR QK 194-baby 1-bóligine (bopsalaý) sáikes tergeý amaldaryn júrgizýde.
Sol sekildi 1992 jylǵy taǵy eki er adam «SINOIl» janynda Báiterek aýdanynyń 23 jastaǵy turǵynyn bopsalap, onyń da avtokóligin tartyp alǵan.
Bul derek boiynsha da QR QK 194-baby 2-bóligine (bopsalaý) sáikes sotqa deiingi tergeý amaldary jalǵasýda.
