BQO-da eski tońazytqyshtyń ishinen 5 jasar balanyń denesi tabyldy, – dep habarlaidy "Ult aqparat" Polisia.kz saityna silteme jasap.
8 tamyz saǵat 22:00 shamasynda Báiterek aýdanynda ornalasqan jeke úidiń aýlasyndaǵy Mir markaly tońazytqyshtan 5 jasar balanyń máiiti tabyldy. Onyń denesin anasy tapqan.
Áieldiń aitýynsha, úsh balasy kóshede oinap júrgen. Biraq keshke qarai úige ekeýi ǵana oralǵan. Muny bilgen áiel kishi ulyn bir saǵat boiy aýdan ishinen izdegen. Keiin úiiniń aýlasyna kirip, jumys istemeitin eski tońazytqyshtan búldirshinniń denesin tapqan. Jas ana jedel járdem shaqyrǵanymen, dárigerler sábidiń kóz jumǵanyn aitqan.
Meditsinalyq saraptama qorytyndysy boiynsha, onyń ólimine "tynys alý joldarynyń aspiratsiiasynan týyndaǵan mehanikalyq asfiksiia" sebep bolǵany anyqtaldy.
"Bul keńestik tońazytqyshta esiktiń metall tutqasynda ornalasqan avtomatty qulyptaý júiesi bar. Eger siz esikti iterseńiz, qulyp jabylyp qalady. Tońazytqyshtyń syrtyndaǵy tutqany tartyp alǵansha tońazytqyshty ishinen ashý múmkin emes", – dep habarlaidy Politsiia departamentiniń ókili Dariǵa Májitova.
Sotqa deiingi tergeý aiasynda balanyń máiitine meditsinalyq zertteý taǵaiyndaldy. Atalǵan fakt jazataiym oqiǵa retinde tirkeldi.
Jazataiym oqiǵalardyń aldyn alý úshin Politsiia departamenti barlyq ata-anaǵa kishkentai balalardyń ómirine qaýipti bolýy múmkin, saiajailar men jeke aýlalarda turǵan eski tońazytqyshtarǵa erekshe nazar aýdarýdy suraidy.
