Batys Qazaqstan oblysynda epidemiologiialyq jaǵdaidy turaqtandyrý úshin emhanalar men otbasylyq ambýlatoriialar janynan 115 mobildi brigada quryldy, dep habarlaidy "Ult aqparat".
«Áleýmettik meditsinalyq saqtandyrý qory» KEAQ BQO filialynyń direktory Nurjamal Jumaǵulovanyń brifingte málim etkenindei, karantin kezinde oblys boiynsha COVID juqtyrýdyń táýliktik ósimi 1,5 paiyzǵa deiin tómendedi.
Jedel járdem shaqyrý 25 paiyzǵa qysqarsa, jansaqtaý tósekterinde jatqandar 100-den 42 paiyzǵa deiin tómendep, provizorlyq jáne infektsiialyq statsionarlardyń júktemesi
73 paiyzǵa deiin azaidy.
Degenmen kúzde ádette juqpaly aýrýlardyń órshitinine bailanysty koronavirýs pen pnevmoniiamen aýyratyn naýqastardyń kóbeiýi boljanýda.
Osyǵan orai meditsinalyq saqtandyrý qory mobildik brigadalardyń jumysyn qarjylandyrýǵa jyl sońyna deiin 7,7 mlrd teńge (úige 1,4 mln shyǵý esebinen) jumsaýdy
kózdep otyr.
Oǵan qosa qor indetten emdelip shyqqandardyń infektsiiadan keiin ońaltý qyzmetterin qarjylandyrý týraly sheshim qabyldady.
N. Jumaǵulovanyń sózine qaraǵanda, qor indetti emdeý jáne aldyn alý sharalaryn qarjymen barynsha qamtamasyz etip keledi.
Aitalyq, bastapqy kezeńde koronavirýspen kúres sharalaryna 674,9 mln teńge (respýblika boiynsha 56,7 mlrd teńge) bólindi. Meditsina qyzmetkerlerine ústemeaqy tóleýge 227,9 mln, emdeýge 386,9 mln, PTsR-diagnostikaǵa 60,2 mln teńge jumsaldy.
