Batys Qazaqstan oblysynda eldi mekenderdi sý basý qaýpi seiilgen joq, dep habarlaidy "Ult aqparat".
BQO TJD bastyǵy, general-maior Jasulan Jumashevtiń óńirlik kommýnikatsiialar qyzmeti alańynda oblystyń ózenderi men sý qoimalarynda sý jinalyp jatqandyqtan, Oral qalasy, Tasqala, Terekti, Bórli, Shyńǵyrlaý jáne Báiterek aýdandarynda áli qaýip bar ekendigin málim etti.
Al qalǵan aýdandarda sý basý qaýpi tómen.
Jasulan Qydyrǵojaulynyń sózine qaraǵanda, Reseidiń Saratov jáne Orynbor oblystarynan transshekaralyq ózenderdiń jai-kúii týraly kúnbe-kún aqparat alynýda.
«Privolje gidrometeorologiia jáne qorshaǵan ortany qorǵaý basqarmasy» federaldyq memlekettik biýdjettik mekemesiniń boljamy boiynsha biyl Jaiyq ózeni tasyǵan kezde sý deńgeii Oral men Kóshim beketi tusynda 400-500, Taipaq aýyly mańynda 350-450 santimetrge (qaýipti deńgei – 850 sm) kóterilýi yqtimal. Seń 7-13 sáýir aralyǵynda júrýi múmkin.
Oblysta barlyǵy 59 gidrotehnikalyq qurylym bolsa, sonyń 28-i respýblikalyq, 28-i kommýnaldyq, úsheýi jeke menshikke jatady. Tekserý qorytyndysyna sáikes 15 gidroqurylym jóndeý men qalpyna keltirýdi qajet etedi.
Kúni búginge deiin eldi mekenderden 984 myńnan astam tekshe metr qar shyǵarylyp, 90 myńnan astam tekshe metr sý soryldy.
Muz keptelisi bolmas úshin Jaiyq, Derkól, Shaǵan ózenderinde 91 myńnan astam tekshe metr muz oiylyp, 5 myńnan astam oiyq burǵylandy.
Oblys joldaryndaǵy 1578 turba tolyqtai tazartyldy. Joldarda sý basyp ketýi múmkin 46 jer anyqtalyp, baqylaýǵa alyndy.
7 sáýirden bastap TJ departamenti qyzmetkerleri kúsheitilgen rejimge kóshirildi. Sý tasqyny kezinde kúsh-quraldardan 2591 adam, 734 tehnika, 45 júzý quraly, 295 motopompa tartylmaqshy. Oblys boiynsha 170 evakýatsiialyq qosyn ázirlendi.
«Óńirde tótenshe jaǵdailardy joiý úshin rezervte 1,5 mlrd teńge qarastyryldy. Kúni búgin 443 tonna janar-jaǵar mai, 88 myń qap, 22 myń tonna inertti materialdar daiyndaldy. Jarýshylar brigadasyn tartý úshin 6,820 mln teńgege, aerovizýaldy zertteý júrgizýge ushaqqa 16,7 mln, qap alý úshin 2,895 mln teńgege kelisimshart jasaldy», dedi Jumashev.
