باتىس قازاقستان وبلىسىندا ەلدٸ مەكەندەردٸ سۋ باسۋ قاۋپٸ سەيٸلگەن جوق, دەپ حابارلايدى "ۇلت اقپارات".
بقو تجد باستىعى, گەنەرال-مايور جاسۇلان جۇماشەۆتٸڭ ٶڭٸرلٸك كوممۋنيكاتسييالار قىزمەتٸ الاڭىندا وبلىستىڭ ٶزەندەرٸ مەن سۋ قويمالارىندا سۋ جينالىپ جاتقاندىقتان, ورال قالاسى, تاسقالا, تەرەكتٸ, بٶرلٸ, شىڭعىرلاۋ جەنە بەيتەرەك اۋداندارىندا ەلٸ قاۋٸپ بار ەكەندٸگٸن مەلٸم ەتتٸ.
ال قالعان اۋدانداردا سۋ باسۋ قاۋپٸ تٶمەن.
جاسۇلان قىدىرعوجاۇلىنىڭ سٶزٸنە قاراعاندا, رەسەيدٸڭ ساراتوۆ جەنە ورىنبور وبلىستارىنان ترانسشەكارالىق ٶزەندەردٸڭ جاي-كٷيٸ تۋرالى كٷنبە-كٷن اقپارات الىنۋدا.
«پريۆولجە گيدرومەتەورولوگييا جەنە قورشاعان ورتانى قورعاۋ باسقارماسى» فەدەرالدىق مەملەكەتتٸك بيۋدجەتتٸك مەكەمەسٸنٸڭ بولجامى بويىنشا بيىل جايىق ٶزەنٸ تاسىعان كەزدە سۋ دەڭگەيٸ ورال مەن كٶشٸم بەكەتٸ تۇسىندا 400-500, تايپاق اۋىلى ماڭىندا 350-450 سانتيمەترگە (قاۋٸپتٸ دەڭگەي – 850 سم) كٶتەرٸلۋٸ ىقتيمال. سەڭ 7-13 سەۋٸر ارالىعىندا جٷرۋٸ مٷمكٸن.
وبلىستا بارلىعى 59 گيدروتەحنيكالىق قۇرىلىم بولسا, سونىڭ 28-ٸ رەسپۋبليكالىق, 28-ٸ كوممۋنالدىق, ٷشەۋٸ جەكە مەنشٸككە جاتادى. تەكسەرۋ قورىتىندىسىنا سەيكەس 15 گيدروقۇرىلىم جٶندەۋ مەن قالپىنا كەلتٸرۋدٸ قاجەت ەتەدٸ.
كٷنٸ بٷگٸنگە دەيٸن ەلدٸ مەكەندەردەن 984 مىڭنان استام تەكشە مەتر قار شىعارىلىپ, 90 مىڭنان استام تەكشە مەتر سۋ سورىلدى.
مۇز كەپتەلٸسٸ بولماس ٷشٸن جايىق, دەركٶل, شاعان ٶزەندەرٸندە 91 مىڭنان استام تەكشە مەتر مۇز ويىلىپ, 5 مىڭنان استام ويىق بۇرعىلاندى.
وبلىس جولدارىنداعى 1578 تۇربا تولىقتاي تازارتىلدى. جولداردا سۋ باسىپ كەتۋٸ مٷمكٸن 46 جەر انىقتالىپ, باقىلاۋعا الىندى.
7 سەۋٸردەن باستاپ تج دەپارتامەنتٸ قىزمەتكەرلەرٸ كٷشەيتٸلگەن رەجيمگە كٶشٸرٸلدٸ. سۋ تاسقىنى كەزٸندە كٷش-قۇرالداردان 2591 ادام, 734 تەحنيكا, 45 جٷزۋ قۇرالى, 295 موتوپومپا تارتىلماقشى. وبلىس بويىنشا 170 ەۆاكۋاتسييالىق قوسىن ەزٸرلەندٸ.
«ٶڭٸردە تٶتەنشە جاعدايلاردى جويۋ ٷشٸن رەزەرۆتە 1,5 ملرد تەڭگە قاراستىرىلدى. كٷنٸ بٷگٸن 443 توننا جانار-جاعار ماي, 88 مىڭ قاپ, 22 مىڭ توننا ينەرتتٸ ماتەريالدار دايىندالدى. جارۋشىلار بريگاداسىن تارتۋ ٷشٸن 6,820 ملن تەڭگەگە, اەروۆيزۋالدى زەرتتەۋ جٷرگٸزۋگە ۇشاققا 16,7 ملن, قاپ الۋ ٷشٸن 2,895 ملن تەڭگەگە كەلٸسٸمشارت جاسالدى», دەدٸ جۇماشەۆ.
