Batys Qazaqstan oblysynda koronavirýs juqtyrǵan sońǵy 10 naýqastyń beseýi – Túrkistan oblysynyń turǵyndary, dep habarlaidy "Ult aqparat".
BQO ákimdiginen túsken málimetke qaraǵanda, sondai-aq taǵy tórt naýqas – oblys turǵyndary. Olardyń barlyǵy da Reseiden kelgen.
Saratov oblysymen shektesetin «Tasqala» avtoótkelinen ótkennen keiin densaýlyqtaryna shaǵymy bolmaǵanmen, jedel járdemmen karantindik statsionarǵa jetkizilgen.
Sonymen birge koronavirýs tabylǵandardyń biri – 29 jastaǵy meditsina qyzmetkeri. Ol buryn koronavirýs juqtyrǵan adammen qarym-qatynasta bolǵan.
Naýqastardyń barlyǵy oblystyq juqpaly aýrýlar aýrýhanasyna jatqyzyldy. Olarmen bailanysta bolǵandar meditsinalyq baqylaýǵa alyndy.
Aýrý oshaqtarynda dezinfektsiialyq jumys júrgizildi. Indetke qarsy kúres jalǵasýda.
Osylaisha BQO-da aýyrǵandar sany 163-ke jetip, sonyń 10-y emdelip shyqty. Koronavirýs juqtyrǵandardyń basym kópshiligi – Reseiden kelgender, 29-y – meditsina qyzmetkeri.
