Batys Qazaqstan oblysynda qoryqshyǵa oq atyp, óltirmek bolǵandar ustaldy, dep habarlaidy "Ult aqparat".
Oqiǵa 13 qarasha kúni Oralǵa qarasty Krýgloozernyi kenti mańynda boldy.
Qoryqshy (eger), 54 jastaǵy Gennadii Golovotenkonyń aitýynsha, brakonerler mingen kólikti toqtatyp, qaramaq bolǵan. Sol kezde eki er adam mas kúiinde birneshe ret judyryq jumsaǵan. Sodan keiin birneshe ret oq atqan. Bul mashinanyń tasasyna tyǵylyp, aman qalǵan. Keiin oqiǵaǵa ornyna politsiia jedel jetken.
Oral qalasy politsiia basqarmasy bastyǵynyń orynbasary Nurlan Bisenovtiń sózine qaraǵanda, saǵat 00.00-de Krýgloozernyi kenti mańyndaǵy dala jolynda qoryqshyǵa shabýyl jasalǵany jóninde habar túsken.
Jedel izdestirý sharalary barysynda «VAZ-2109» avtokóligimen sytylyp ketpek bolǵan 32 jastaǵy eki kúdikti qolǵa tústi. Olardyń bireýi urlyq pen buzaqylyq jasaǵany úshin buryn sottalǵan, ekeýi de Oral qalasynyń turǵyndary.
Qazirgi kezde QR QK 24-baby - 99-baby 1-bóligine sáikes (kisi óltirýge oqtalý) qylmystyq is qozǵalyp, tergeý júrgizilýde.
Keiinirek sol mańnan «Niva» kóligimen taǵy eki adam ustaldy. Salonnan oq-dári men eliktiń ushasy shyqqan.
