باتىس قازاقستان وبلىسىندا قورىقشىعا وق اتىپ, ٶلتٸرمەك بولعاندار ۇستالدى, دەپ حابارلايدى "ۇلت اقپارات".
وقيعا 13 قاراشا كٷنٸ ورالعا قاراستى كرۋگلووزەرنىي كەنتٸ ماڭىندا بولدى.
قورىقشى (ەگەر), 54 جاستاعى گەنناديي گولوۆوتەنكونىڭ ايتۋىنشا, براكونەرلەر مٸنگەن كٶلٸكتٸ توقتاتىپ, قاراماق بولعان. سول كەزدە ەكٸ ەر ادام ماس كٷيٸندە بٸرنەشە رەت جۇدىرىق جۇمساعان. سودان كەيٸن بٸرنەشە رەت وق اتقان. بۇل ماشينانىڭ تاساسىنا تىعىلىپ, امان قالعان. كەيٸن وقيعاعا ورنىنا پوليتسييا جەدەل جەتكەن.
ورال قالاسى پوليتسييا باسقارماسى باستىعىنىڭ ورىنباسارى نۇرلان بيسەنوۆتٸڭ سٶزٸنە قاراعاندا, ساعات 00.00-دە كرۋگلووزەرنىي كەنتٸ ماڭىنداعى دالا جولىندا قورىقشىعا شابۋىل جاسالعانى جٶنٸندە حابار تٷسكەن.
جەدەل ٸزدەستٸرۋ شارالارى بارىسىندا «ۆاز-2109» اۆتوكٶلٸگٸمەن سىتىلىپ كەتپەك بولعان 32 جاستاعى ەكٸ كٷدٸكتٸ قولعا تٷستٸ. ولاردىڭ بٸرەۋٸ ۇرلىق پەن بۇزاقىلىق جاساعانى ٷشٸن بۇرىن سوتتالعان, ەكەۋٸ دە ورال قالاسىنىڭ تۇرعىندارى.
قازٸرگٸ كەزدە قر قك 24-بابى - 99-بابى 1-بٶلٸگٸنە سەيكەس (كٸسٸ ٶلتٸرۋگە وقتالۋ) قىلمىستىق ٸس قوزعالىپ, تەرگەۋ جٷرگٸزٸلۋدە.
كەيٸنٸرەك سول ماڭنان «نيۆا» كٶلٸگٸمەن تاعى ەكٸ ادام ۇستالدى. سالوننان وق-دەرٸ مەن ەلٸكتٸڭ ۇشاسى شىققان.
