Batys Qazaqstan oblysynda medbike aýrýhana basshylyǵyn vaktsinatsiia pasportyn qoldan jasap, dári-dármekterdi zańsyz taratty dep aiyptady, - dep habarlaidy Tengrinews.kz tilshisi Vera.kz saityna silteme jasap.
Memlekettik qyzmet isteri agenttigine Báiterek aýdandyq №2 aýrýhanasynyń jalpy tájiribelik medbikesi Janargúl Kalashnikovadan hat kelgen. Bólim basshysy Darhan Jazyqbaevqa jazǵan ótinishinde áiel meditsinalyq mekeme basshylyǵyna shaǵymdanǵan. Ol aýrýhana basshysy orynbasarynyń óreskel zań buzǵanyn aitady.
"Bisenbaeva (aýrýhana basshysy orynbasary - esk.) vaktsinatsiia kabinetiniń medbikelerinen ózin, tanystaryn jáne týystaryn naqty kelmei COVID-19 vaktsinatsiiasy kýrsynan "ótkizýdi" talap etedi. Iaǵni, is júzinde ol meditsinalyq qyzmetkerlerdi vaktsinatsiia pasporttaryn qoldan jasaýǵa májbúr etedi, bul koronavirýs infektsiiasyn juqtyratyndar sanyn jáne osy aýrýdan ekzotikalyq jaǵdai sanyn eskere otyryp, pandemiia kezinde jol berilmeitin jaǵdai.
Sonymen qatar, memlekettik kommýnaldyq kásiporynda basshylyq qyzmetti atqara otyryp, Bisenbaeva óz jumys kabinetinde patsientterdi aqyly qabyldaýdy júzege asyrady jáne naýqastardy kassa arqyly emes, onyń jeke esepshotyna nemese qolma-qol aqshamen tólem júrgizýge májbúrleidi. Bul naýqastar biýdjet qarajaty esebinen aýrýhana statsionarynda Bisenbaevanyń jeke nusqaýy boiynsha emdeledi, bul rette aýrý tarihy ashylmaidy jáne dárilik zattar basqa patsientterge esepten shyǵarylady", - dedi Kalashnikova.
