Batys Qazaqstanda aýa raiynyń buzylatyny jóninde eskertý jariialandy, dep habarlaidy QazAqparat tilshisi.
«Qazgidromet» RMK BQO filialynyń málimetine qaraǵanda, 7 shilde kúni kei jerlerde naizaǵai oinap, soltústik-batystan soǵatyn jeldiń jyldamdyǵy sekýndyna 15-20 metrge deiin kúsheiedi.
Sondai-aq, oblysta burshaq jaýýy yqtimal. Oral qalasynda da osyndai aýa raiy bolyp, jeldiń ekpini sekýndyna 18 metrge deiin jetedi.
«Osyǵan bailanysty óńirde eskertý jariialanyp, turǵyndar arasynda tótenshe jaǵdailardy boldyrmaý, ómirlik mańyzy zor nysandardyń qalypty jumysyn qamtamasyz etý baǵytynda sharalar alynýda», - dedi BQO TJ departamentiniń jedel kezekshisi, azamattyq qorǵaý podpolkovnigi Nurbolat Muqajanov.
