Batys Qazaqstan oblysynda koronavirýs juqtyrǵan sońǵy naýqas Atyraýdan kelgen, dep habarlaidy "Ult aqparat".
BQO taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Muhamǵali Aryspaevtyń aitýynsha, 30 jastaǵy oblys turǵyny Atyraý óńirinde vahtalyq ádispen jumys istegen.
Ol Atyraýdan jeke kóligimen jalǵyz ózi kelgen. Sodan keiin úiinde oqshaýlanyp, koronavirýs juqpasyna synama alynǵan kezde COVID-16 diagnozy naqtylandy.
Qazirgi tańda oblystyq juqpaly aýrýlar aýrýhanasynda jatqan naýqastyń jaǵdaiy qanaǵattanarlyq. Onymen qarym-qatynasta bolǵan adamdar anyqtalyp, meditsinalyq baqylaýǵa alyndy.
Aýrý oshaǵynda epidzertteý jáne dezinfektsiialyq jumystar júrgizildi.
Osylaisha BQO-da aýyrǵandar sany 126-ǵa jetip, sonyń jeteýi jazylyp shyqty.
«Kúni búgin 13 adam provizorlyq, 361 adam karantindik statsionarda jatyr. Munyń sebebi keshe túnde Atyraý oblysyndaǵy Teńiz kenishinen kelgen jumysshylar Aqjaiyq aýdany men Oral qalasyndaǵy karantindik statsionarǵa eki kúnge jatqyzyldy. Eger aýrý anyqtalmasa, úilerine oqshaýlanýǵa jiberiledi. Oǵan qosa oblysta 1653 adam úilerinde meditsina qyzmetkerlerimen baqylanýda», dedi M.Aryspaev.
