Batys Qazaqstan oblysy aýmaǵyna 5 shildege qaraǵan túni shar tárizdes metall bólshegi qulady, dep habarlaidy "Ult aqparat".
Otty shardyń qulaǵanyn jergilikti turǵyndar kórgen. Belgisiz nysan Jalpaqtal-Qarasý jolynan 300 metrdei jerge, Juldyz aýyly mańyna túsken.
Qaztalov aýdany ákiminiń orynbasary Nuretdin Qutqojin aýdan aýmaǵyna metall bólsheginiń túskenin rastady. Oqiǵa oryn alǵan boida órt sóndirý qyzmetkerleri der kezinde jetip, tiisti sharalardy aldy.
Adam nemese mal shyǵyny joq. Metall túsken jerge jaqyn eldi meken 16 shaqyrym qashyqtyqta ornalasqan.
«Qazirgi kezde oblys ortalyǵynan kelgen tótenshe jaǵdailar men ekologiia mamandarynan quralǵan arnaiy komissiia oqiǵa bolǵan jerge kelip, jumys jasaýda. Aldaǵy ýaqytta anyqtalǵannan keiin qosymsha málimet beriletin bolady», - dedi N.Qutqojin.
Oblystyq TJ departamentinen alynǵan málimetke qaraǵanda, saǵat 01.15-te Qaztalov aýdany Qarasý aýyldyq okrýgine qarasty Aqmai mańynda 47 ga, Ybyraida 48 ga jerde qurǵaq shóptiń janyp jatqany jóninde habar túsken. Shóptiń janýy saǵat 04.00-de sóndirildi. Oqiǵa ornynda 1 tehnika men jeke quramnan 4 jáne erikti órt jasaǵynan 10 adam jumys jasady.
