Batys Qazaqstan oblysynda 1-6 jeltoqsan aralyǵynda memlekettik shekaradan 45703 adam ótti, dep habarlaidy "Ult aqparat".
BQO densaýlyq saqtaý basqarmasynyń baspasóz qyzmeti málim etkendei, Reseimen shektesetin «Tasqala», «Syrym», «Jánibek» jáne «Aqsai» avtoótkelderinen ótkenderdiń ishinde 1470 adamnyń anyqtamasy bolmai shyqty.
Onyń bári de jeti kúndik karantinge jatqyzylyp, sonyń ishinde 28-inen koronavirýs tabyldy.
Oblysta sondai-aq qyrkúiek aiynan beri 148 oqýshy men balabaqsha tárbielenýshisiniń indet juqtyrǵany anyqtaldy. Sonyń ishinde qyrkúiek aiynda – 4, qazanda – 5, qarashada – 102, jeltoqsanda 24 bala aýyrǵan. 14 balabaqsha tárbielenýshisiniń 13-i qarashada, bireýi jeltoqsanda syrqattanǵan. Olardyń bári de otbasy múshelerinen juqtyrǵan.
Qazirgi tańda óńirde aýyrǵandar sany 8304-ke jetse, sonyń 7422-si jazylyp shyqty. 137 adam indetten kóz jumdy.
Pnevmoniiaǵa shaldyqqan 110 adam statsionarda, 60-y ambýlatorlyq em alýda. Pnevmoniiadan 239 adam qaitty.
Kúni búgin ókpeni jasandy jeldetý apparatyna 3, ottegi kontsentratoryna 8 adam qosylǵan.
Jeti juqpaly aýrýlar aýrýhanasynda 135, tórt karantindik statsionarda 70 adam emdelýde. 10 adam jansaqtaý bólimshesinde jatyr.
